చిలకలూరిపేటలో కూటమి ప్రభుత్వం రెండేళ్ల విజయోత్సవాలు ఘనంగా నిర్వహణ
చిలకలూరిపేట : రాష్ట్రంలో కూటమి ప్రభుత్వం విజయవంతంగా రెండేళ్లు పూర్తి చేసుకున్న సందర్భంగా చిలకలూరిపేటలోని మాజీ మంత్రివర్యులు, శాసన సభ్యులు క్యాంపు కార్యాలయంలో శుక్రవారం కేక్ కటింగ్ కార్యక్రమం ఘనంగా నిర్వహించారు.
ఈ కార్యక్రమంలో నియోజకవర్గంలోని వివిధ హోదాల్లో గల కూటమి నాయకులు, ప్రజాప్రతినిధులు, పార్టీ అనుబంధ విభాగాల నాయకులు, కార్యకర్తలు పెద్ద సంఖ్యలో పాల్గొన్నారు.
ఈ సందర్భంగా నాయకులు మాట్లాడుతూ రాష్ట్ర అభివృద్ధి, సంక్షేమం, పారదర్శక పాలన లక్ష్యంగా కూటమి ప్రభుత్వం గత రెండేళ్లుగా సమర్థవంతంగా పనిచేస్తోందని తెలిపారు. ముఖ్యమంత్రి నాయకత్వంలో రాష్ట్రంలో మౌలిక వసతుల అభివృద్ధి, పెట్టుబడుల ఆకర్షణ, యువతకు ఉపాధి అవకాశాల కల్పన, రైతు సంక్షేమం, మహిళా సాధికారతకు ప్రభుత్వం ప్రత్యేక ప్రాధాన్యత ఇస్తూ ముందుకు సాగుతోందని పేర్కొన్నారు.
ప్రజల ఆకాంక్షలకు అనుగుణంగా సుపరిపాలన అందిస్తూ ఆంధ్రప్రదేశ్ను అభివృద్ధి పథంలో నడిపిస్తున్న కూటమి ప్రభుత్వానికి ప్రజల నుంచి విశేష ఆదరణ లభిస్తోందని అన్నారు. రానున్న రోజుల్లో మరింత అభివృద్ధి, సంక్షేమ కార్యక్రమాలతో రాష్ట్రాన్ని దేశంలోనే ఆదర్శ రాష్ట్రంగా తీర్చిదిద్దేందుకు ప్రభుత్వం కట్టుబడి ఉందని నాయకులు తెలిపారు.
అనంతరం కూటమి ప్రభుత్వం రెండేళ్లు పూర్తి చేసుకున్న సందర్భంగా కేక్ కట్ చేసి పరస్పరం శుభాకాంక్షలు తెలుపుకున్నారు. కార్యక్రమంలో పాల్గొన్న నాయకులు, కార్యకర్తలు కూటమి ప్రభుత్వం మరిన్ని విజయాలు సాధించాలని ఆకాంక్షించారు.
ఈ కార్యక్రమంలో నియోజకవర్గ సమన్వయకర్త నెల్లూరి సదాశివరావు, చిలకలూరిపేట వ్యవసాయ మార్కెట్ యార్డ్ చైర్మన్ షేక్ కరీముల్లా, పట్టణ పార్టీ అధ్యక్షుడు పఠాన్ సమద్ ఖాన్, ప్రధాన కార్యదర్శి మద్దుమాల రవి, సీనియర్ నాయకులు జమాల్ బాషా, మాజీ మున్సిపల్ చైర్మన్ షేక్ రఫానీ, క్లస్టర్ ఇంచార్జీలు మద్దిబోయిన శివ, మురుకొండ మల్లి బాబు, కె.బి. రోడ్డు మస్తాన్ వలి, కొత్త కోటేశ్వరరావు, మార్కెట్ యార్డ్ వైస్ చైర్మన్ పిల్లి కోటేశ్వరరావు, ఇనగంటి జగదీష్, తుపాకుల అప్పారావు తదితరులు పాల్గొన్నారు.
