పెద్దఎత్తున సంక్షేమం అందిస్తోన్న ఏకైక నాయకుడు చంద్రబాబే : ప్రత్తిపాటి ప్రతి కుటుంబానికి పెద్ద కొడుకుగా అండగా ఉంటానన్న మాటకు ముఖ్యమంత్రి చంద్రబాబు కట్టుబడ్డారని, పేదల సేవలో పేరిట ప్రతినెలా 1వ తేదీనే ఎన్టీఆర్ భరోసా పింఛన్లు అందిస్తూ పేదలకు ఆర్థిక భరోసా కల్పిస్తూ, వారిలో ఆత్మస్థైర్యం, విశ్వాసం పెంచుతున్నారని శాసనసభ్యులు ప్రత్తిపాటి పుల్లారావు పేర్కొన్నారు. గురువారం ఆయన నియోజకవర్గంలో పలు గ్రామాలు, వార్డుల్లో ఎన్టీఆర్ భరోసా సామాజిక పింఛన్లు పంపిణీ చేశారు. తొలుత పట్టణంలోని 13, 17 వార్డుల్లో, పేదలోసేవలో పాల్గొన్న ప్రత్తిపాటి. తరువాత చిలకలూరిపేట మండలం కోమటినేని వారి పాలెం, గంగన్న పాలెం, నాదెండ్ల మండల కేంద్రంలో పేదల ఇళ్లకు వెళ్లి, స్వయంగా సామాజిక పింఛన్లు పంపిణీ చేసి, లబ్ధిదారులతో మాట్లాడారు. పింఛన్లు అందించిన అనంతరం విలేకరులతో మాట్లాడారు. ప్రజల్ని ఆదుకోవడంలో చంద్రబాబు వెనకడుగు వేయడం లేదు..దేశంలో ఏ ముఖ్యమంత్రి అమలు చేయని విధంగా పెద్ద ఎత్తున సంక్షేమం…
