ప్లాస్టిక్ వాడకాన్ని తగ్గించే ప్రయత్నంలో భాగంగా,అధికారులు విస్తృతంగా తనిఖీలు…
చిలకలూరిపేట:నిషేధిత
ప్లాస్టిక్ నిరోధానికి సిఏం సి ఏర్పాటు చేసిన మున్సిపల్ సిబ్బంది శనివారం నాడు ఒకటవ డివిజన్ లో విస్తృత తనిఖీలు చేపట్టారు. చిలకలూరిపేట మున్సిపల్ కమిషనర్ పీ. శ్రీ హరిబాబు ఆదేశాల మేరకు ఒకటవ డివిజన్ శానిటరీ ఇనస్పెక్టర్ సి.హెచ్.రమణారావు ఆధ్వర్యంలో జరిగిన విస్తృత తనిఖీలు.ఈ తనిఖీల్లో నిషేధిత ప్లాస్టిక్ వస్తువులు (సింగిల్ యూజ్ ప్లాస్టిక్ కవర్లు, బాక్సులు, గ్లాసులు మొదలైనవి)స్వాధీనం పరుచుకున్నారు.ప్రధాన వాణిజ్య ప్రాంతాలు,మార్కెట్లు, రెస్టారెంట్లు మరియు దుకాణాలపై ప్రత్యేక బృందాలు దాడులు చేశాయి.ప్లాస్టిక్ కవర్లు, డిస్పోజబుల్ ప్లేట్లు, కప్పులు వంటి నిషేధిత ప్లాస్టిక్ ఉత్పత్తుల వాడకంపై అధికారులు నిశితంగా పరిశీలించారు.ఈ తనిఖీలలో,అనేక దుకాణాలు మరియు వ్యాపార సంస్థలు నిషేధిత ప్లాస్టిక్‌ను ఉపయోగిస్తున్నట్లు గుర్తించారు.వీటిలో కొన్నింటికి భారీ జరిమానాలు విధించగా, మరికొన్నింటికి హెచ్చరికలు జారీ చేశారు. ముఖ్యంగా చిన్నపాటి కిరాణా దుకాణాలు, పండ్ల విక్రయదారులు మరియు వీధి వ్యాపారులు ఇంకా ప్లాస్టిక్ వాడకాన్ని పూర్తిగా మానుకోలేదని అధికారులు గుర్తించారు.
పర్యావరణ పరిరక్షణకు ప్లాస్టిక్ నిరోధం చాలా ముఖ్యం.
పట్టణంలో ప్లాస్టిక్ వాడకాన్ని పూర్తిగా నిర్మూలించే వరకు మా తనిఖీలు కొనసాగుతాయి.ప్రజలు మరియు వ్యాపారులు ప్లాస్టిక్‌కు బదులుగా పునర్వినియోగపరచదగిన వస్తువులను ఉపయోగించాలని మేము కోరుతున్నాము” అని పట్టణ పురపాలక సంస్థ కమిషనర్ ఒక ప్రకటనలో తెలిపారు.గత కొద్ది నెలలుగా ప్లాస్టిక్ నిరోధక చట్టాలను కఠినతరం చేసినప్పటికీ,పట్టణంలో ప్లాస్టిక్ వాడకం ఇంకా పెద్ద సమస్యగానే ఉంది.ఈ విస్తృత తనిఖీల ద్వారా ప్లాస్టిక్ వాడకాన్ని గణనీయంగా తగ్గించవచ్చని అధికారులు ఆశాభావం వ్యక్తం చేస్తున్నారు. భవిష్యత్తులో కూడా ఇటువంటి తనిఖీలు కొనసాగుతాయని మరియు నిబంధనలు ఉల్లంఘించిన వారిపై కఠిన చర్యలు తీసుకుంటామని శానటరి ఇనస్పెక్టర్ సి.హెచ్.
రమణరావు స్పష్టం చేశారు.
