గోమాత సంరక్షణ కోసం నవంబర్ 17న చిలకలూరిపేట నియోజకవర్గం లో జాతీయ రహదారి దిగ్బంధం కార్యక్రమం నిర్వహించడం జరిగింది

గోపాష్టమి పర్వదినాన్ని పురస్కరించుకొని నవంబర్ 17వ తేదీన గోమాత సంరక్షణ, గోవుల అక్రమ రవాణా నివారణ కోసం సనాతన హిందూ ధర్మ పరిరక్షణ ఆధ్వర్యంలో చిలకలూరిపేట నియోజకవర్గం నరసరావుపేట సెంటర్ విజయవాడ జాతీయ రహదారిపై ధర్నా కార్యక్రమం నిర్వహించడం జరిగింది

సనాతన హిందూ ధర్మ పరిరక్షణ సమితి జాతీయ అధ్యక్షుడు మల్లెల శివ నాగేశ్వరరావు మాట్లాడుతూ భారతీయ సంస్కృతిలో గోమాతకు అత్యంత పవిత్రమైన, విశిష్టమైన స్థానం ఉందని అన్నారు. గోవు కేవలం ఒక పశువు మాత్రమే కాదని, కోట్లాది మంది భారతీయుల ఆధ్యాత్మిక విశ్వాసానికి, వ్యవసాయ జీవన విధానానికి, గ్రామీణ ఆర్థిక వ్యవస్థకు ప్రతీక అని పేర్కొన్నారు

అలాగే గోమాత ప్రాముఖ్యత – భారతీయ జీవన విధానంలో అంతర్భాగం అన్నారు

హిందూ ధర్మంలో గోవును తల్లిగా భావించి పూజించడం అనాదిగా వస్తున్న సంప్రదాయమని తెలిపారు. గోవు నుంచి లభించే పాలు, పెరుగు, నెయ్యి వంటి పదార్థాలు మన దైనందిన ఆహారంలోనే కాకుండా పూజా కార్యక్రమాలు, యజ్ఞయాగాదులు, ఆధ్యాత్మిక ఆచారాల్లో కూడా ఎంతో ప్రాముఖ్యత కలిగి ఉన్నాయని ఈ సందర్భంగా మాట్లాడిన ఆర్ఎస్ఎస్ ప్రముఖులు పోలూరి పాషా మోహన్ రావు గారు వివరించారు

గోమయం, గోమూత్రం సంప్రదాయ గ్రామీణ జీవన విధానంలో వివిధ అవసరాలకుఉపయోగపడుతున్నాయని, సేంద్రియ వ్యవసాయంలో గోమయం ద్వారా తయారుచేసే ఎరువులు భూమి సారాన్ని కాపాడటానికి తోడ్పడుతున్నాయని కార్యక్రమంలో పాల్గొన్న ఆర్ఎస్ ఎస్ ప్రముఖులు సి ఎస్ ఆర్ అన్నారు

ఒకప్పుడు ప్రతి గ్రామంలో గోవులు కుటుంబ సంపదగా ఉండేవని, వ్యవసాయానికి, పాడి పరిశ్రమకు, గ్రామీణ ప్రజల ఆర్థిక అభివృద్ధికి గోవులు వెన్నెముకగా నిలిచాయని గుర్తుచేశారు. గోవుల సంరక్షణ అంటే వ్యవసాయ సంస్కృతిని, ప్రకృతి సమతుల్యతను, మన సంప్రదాయాలను కాపాడుకోవడమేనని కార్యక్రమంలో పాల్గొన్న చిలకలూరిపేట నియోజకవర్గ విశ్వహిందూ పరిషత్ అధ్యక్షురాలు విప్పల కృష్ణవేణి పేర్కొన్నారు

గోవుల అక్రమ రవాణాను అరికట్టాలి

ప్రస్తుతం గోవుల అక్రమ రవాణా పశువుల పట్ల క్రూరత్వం, సంరక్షణ కేంద్రాల కొరత వంటి సమస్యలపై సమాజం దృష్టి సారించాల్సిన అవసరం ఉందన్నారు. వృద్ధాప్యంలో ఉన్న గోవులను కూడా నిర్లక్ష్యం చేయకుండా వాటికి ఆహారం, నీరు, వైద్యం, ఆశ్రయం కల్పించాల్సిన బాధ్యత ప్రతి ఒక్కరిపై ఉందని సనాతన హిందూ ధర్మ పరిరక్షణ జాతీయ అధ్యక్షులు మల్లెల శివ నాగేశ్వరావు తెలిపారు

గోవులను అక్రమంగా తరలించే చర్యలను అరికట్టేందుకు ప్రభుత్వ అధికారులు కఠినమైన పర్యవేక్షణ చేపట్టాలని, పశుసంవర్ధక శాఖ, పోలీస్ శాఖ సమన్వయంతో పనిచేయాలని కోరారు. గోశాలలకు అవసరమైన సదుపాయాలు కల్పించి, గోవుల సంరక్షణకు ప్రత్యేక చర్యలు తీసుకోవాలని ప్రభుత్వానికి విజ్ఞప్తి చేశారు

నవంబర్ 17న గోమాత సంరక్షణ ఉద్యమం చిలకలూరిపేట లో ప్రారంభం అవటం అలాగే ఈ ఉద్యమాన్ని 175 నియోజకవర్గాలలో 28 జిల్లాలలో మండల స్థాయిలో ఉద్యమం చేస్తామని అలాగే రైతులకు అవగాహన సదస్సులు ఏర్పాటు చేస్తామని ఈ సందర్భంగా పాల్గొన్న జాతీయ అధ్యక్షులు మల్లెల శివ నాగేశ్వరరావు గారు మాట్లాడారు

గోపాష్టమి పర్వదినాన్ని పురస్కరించుకొని నిర్వహిస్తున్న ఈ కార్యక్రమం ద్వారా గోమాత సంరక్షణపై ప్రజల్లో అవగాహన కల్పించడం, గోవుల అక్రమ రవాణాను అరికట్టాలని ప్రభుత్వానికి విజ్ఞప్తి చేయడం, సనాతన హిందూ ధర్మ పరిరక్షణకు ప్రజలను చైతన్యపరచడం ప్రధాన లక్ష్యాలని తెలిపారు

ఈ కార్యక్రమానికి హిందూ ధర్మ పరిరక్షకులు, గోభక్తులు, స్వచ్ఛంద సంస్థల ప్రతినిధులు, యువత, ప్రజలు పెద్ద సంఖ్యలో పాల్గొని గోమాత సంరక్షణ ఉద్యమానికి మద్దతు తెలియజేయడం ఎంతో శుభపరిణామని అభిప్రాయపడ్డారు

గోమాతను కాపాడుకుందాం – భారతీయ సంస్కృతిని పరిరక్షించుకుందాం. గోవుల సంరక్షణ ప్రతి ఒక్కరి సామాజిక బాధ్యతగా గుర్తించాలని విన్నవించుకున్నారు

ఈ కార్యక్రమంలో సనాతన హిందూ ధర్మ పరిరక్షణ సమితి జాతీయ అధ్యక్షుడు మల్లెల శివ నాగేశ్వరరావు ప్రధాన కార్యదర్శి సింగరేసి పోలయ్య ఆర్ఎస్ఎస్ నాయకులు పోలుది శ్యామ్మోహన్రావు సి ఎస్ ఆర్ బీజేపీ నాయకులు నెల్లూరి ఈశ్వర్ రంజిత్ బండారు నాగరాజు సామాజిక సేవ కార్యక్రమా నిర్వాహక అధ్యక్షులు అంకిరెడ్డి రమేష్ నాయుడు సూర్యాపేట లోకల్ న్యూస్ పల్నాడు జిల్లా ఇన్చార్జి చప్పిడి బాలస్వామి తదితరులు ఈ కార్యక్రమంలో పాల్గొని కార్యక్రమాన్ని విజయవంతం చేశారు

Share.
Leave A Reply